السلام عليكم ورحمة الله
تخرجت من الثنويه سنة 2024 هل يصير اعيد اخر سنه مسائي علما بأن لدي دبلوم و موظفه حاليا
سجلت بالمدونة لان عندي سؤال يقرقع ابالي
وماعرف اسأل منو
سمعو قصتي اللي فاضي وله خلق يقراها 
الموضوع مثلما هو مبين بالعنوان
انا تخرجت سنة 2024 تقريبا
وعندي دبلوم تجاري
وانا موظفه حاليا
من 3 سنوات قررت اكمل دراستي
سجلت بأحد جامعات البحرين وانقلبت ولله الحمد~
عقبها طلع قرار ان في شهادات من جامعات البحرين غير معترف فيها 
وقلت ليش اقط فلوس عالفاضي واضيع وقت وجهد ومشوار كل ويك اند للبحرين عالفاضي؟
عقبها سجلنا انا واخوي بالجامعه العربيه المفتوحه بالكويت
انا نسبتي اعلى من نسبة اخوي حلو؟
تخيلو الصدمه 
اقبلو اخوي وماقبلوني
يعني المسأله مسألة حظ وتخمين!
وهوا قعد يمكن كورسين وطلع ماعجبته الجامعه
يعني شوفو اللي يبي يدرس مافيه نصيب واللي داش يجرب حظه ينقبل سبحان الله~
عقبها رحت بحثت عن جامعات اخرى بالنت بعد جهد جهيد وسهر وتعبت علما لقيت التخصص اللي ابيه معن تخصصي الله بالخير 
والحين ابي تخصص محاسبه.
ورحت سألت التعليم العالي عن التعليم الالكتروني او التعليم عن بعد
وقالو انه غير معترف فيه
ورحت التعليم العالي مره اخرى سألت عن الانتساب بحكم اني موظفه
يعني توني لي سنتين وشوي بالوظيفه ماكملت 3 سنوات ولا اقدر اخذ اجازه دراسيه
لان تكاليف الدراسه راح اتكون على حسابي من تذاكر واقامه بالدوله الاخرى ومصاريف سكن وكتب ورسوم جامعه
والتكاليف مرتفعه وراتبي الله بالخير دبلوم وع قد الحال ودوامي ظلم شديد لا مكافآت لا اعمال ممتازه لا تقارير ولا طل ابعينا 
حتى لو يعطونا عمل اضافي مافي ولا دينار زياده 
بعدين قررت ادرس بمصر مو معقوله بظل بهالدوام وعلى نفس الحال طول عمري وانا وحده طموحه ~ 
بس سكرو الجامعات الخاصه ومافيه الا الجامعات الحكوميه
وطبعا الجامعات الحكوميه صعبه يبيلها مخخخخ وقلللب
وفوق هذا فيه تكدس بالقاعات وانتو عارفين مشالله الشعب المصري مادري جم مليون
ف راح يصير تكدس طلبه بالفصول
يعني اشكره بيصير ظلم بالدرجات
وعقبها صارت مظاهرات بمصر يعني فلسنا من الدراسه اهناك.. مايندرى يمكن يقلبون مظاهرات بأي وقت
اخر شي قررت وفكرت فيه(كنت ناويه اروح انتساب لسعوديه) عقب ما فلست من كل صوب.
وطبعا التعليم العالي قالولي مايعترفون بالانتساب لازم اخذ اجازه دراسيه واسكن اهناك وادش انتظام وليس انتساب!!!
وطبعا ماقدر اخذ اجازه دراسيه لان راح يقصون نص راتبي
ومثلما قلت لكم الدراسه على حسابي الخاص
وفوق هذا تدرون بالسعوديه لازم محرم وماعندي احد يروح يسكن معاي يجابلني هناك خو اخواني عندهم دوامات بعد يعني حده مافيه امل فا صرفت النظر
الحين وبعد ما تسكرت كل البيبان بويهي
قررت اعيد اخر سنه من الثنويه تعليم (((مسائي)))
عشان ادش جامعة الكويت ان شالله اذا يبت نسبه~
بس تهقون يصير ادش الثنويه وجامعة الكويت وانا موظفه؟؟؟
علما بأن وقت دوامي ماراح يتعارض مع فترة الدراسه سواء صبح او عصر~
يعني لو بدش ثنويه مسائي اقدر اقزرها اجازات ومرضيات بالدوام لين اتخرج
واذا تخرجت ودشيت الجامعه اقدر انتقل اداره ثانيه واحول دوامي عصر وادرس بالجامعه الصبح~
بس اللي سمعته ان مايسير موظفين يدشون جامعة الكويت صج؟
قمممممممة الاحباط 
والحين
عقب ماضاع من عمري 3 سنين وانا ابحث واراكض واسوي اوراق الدراسه بالخارج عالفاضي
يا ليت تنصحوني
انا كنت نظام مقررات
دفعة 2024
وتخرجت دفعة 2024
يعني على ايام المواد السهله ومايبنا نسبه الله يعين الحين
بليز فهموني شلون طريقة التسجيل وشنو الاوراق المطلوبه؟؟
شنو اول خطوه وين اروح؟؟
انا كنت بثنوية مشرف
يعني اتبع اي محافظه ؟
هل على حسب منطقة السكن وله على شهادة الثنويه؟
وبليز فيدوني هل راح ادرس الكتب القديمه وله اليديده؟؟؟<<< الله يستر
ما عليه لوعت جبدكم بقصتي بس بالعماله كتبت التفاصيل عشان اللي تخرجو يستفيدون
مشكورين وسامحوني على الاطاله
<<< ترى قالت القصه باختصار شديد 
القصة جدًا مختصرة
ممكن نتواصل مع بعض ونفيد بعض أنت قصتج نفسي
ياريت نتواصل ابي اعرف شنو صار معاج لاني اواجه نفس المشكله 2jmrh7 ضيفيني تويتر