|
مرحباااا …
من كم اسبوع عندنا بالمدرسة صبغو الصفوف و ما قصرو … لون بيج هادي … صار الصف حلو و نظيف و بدينا نستعد نحط الوسائل على الجدران مره ثانيه … بعد كم يوم … اكتشفت ان طلبتنا عندهم لعبه تعتمد على رفس الطووووووفه! .. الولد لسبب ما … وبطريقة ما … يرفس الطوفه بجوتيه عزكم الله و يخلي الاثار على الطوفه … غير العصير اللي اذا شبع منه كته على هالطوفة الصامده تحت شتى انواع التعذيب …. شوى شوى بدت معالم الصبغ اليديد تتغير ….. عصبت على الطلبه و هددتهم اني راح اييب اسفنج وصابون واحرمهم من الفرصه .. اخليهم يغسلون الصف …ولو ما الخوف من اولياء الامور وفلسفتهم جان سويتها صج …. مو عقاب لهم .. ولكن لما ينظفونه بانفسهم راح يحافظون عليه و يبقى نظيف لاطول مده ممكنه … احنا طبعا عندنا طاقم عمال نظافة شغّال من اول اليوم الدراسي الى آخره … ولكن ان ماكنت النظافة و الحفاظ على ممتلكات المدرسة نابع من الطلبه … هالعمال المساكين ماراح يلحقون … القهر وين عاد.؟ . . |
 |
43.jpg (25.0 كيلوبايت, المشاهدات 31) |
