|
للأسف اغلب مايشغل تفكيري في هذه الاثناء رغم الإعياء الذي يصاحبني هو مستوى التعامل والاتيكيت بالطلبات او التحدث او التعامل هنا في الكويت نعاني وبشده من الأفتقار لهذه المهاره حتى اصبح تعاملنا وممارستنا مثل ما نقول دفاشه لا نعرف طريقه النقد البناء لا نعرف طريقه الطلب الذوق لا نعرف ان نحلل الأمور كما يجب ان تكون ولا نعرف متى نتواضع ومتى نغتر ولنبدأ باليوم الجديد طن طن طن طن طن الدجاجه للديك : قوم قوم يالله لا يطوفك الدوام كله نوم نوم ويقوم وهو ليس له خلق يذهب يفرش اسنانه ويمشط عرفته ويذهب وهو متهالك الخطوات فوق الطوفه كو .. أوووف لازم اقول الثانيه يعني … كو .. كو ( ( قوموا يا عيال … طوط طاطا )) >>>> ديك كويتي عادي ويبدأ النهار والكل قاعد وماله خلق وزحمه بالشوارع واي واحد لو تقوله السلام عليكم نزل وحكك بوكس انزين شفيها ليش ماتقوم مبتسم تضحك وتدخل الدوام وتسلم وانت مبتسم (( غريبه كويتي ومبتسم )) هلااا ابوو عزوووز شلونك ابو عزوز يرد عليك لو سمحت لا تقول ابو عزوز قدام الموظفين انا ابو عبدالعزيز انا واحد طول بعرض مدير تقولي بو عزوز مو حلوة ترى هااا .. (وشوي ويطقك) طنننننننننننن رساله الى ابو عزوز افااا عليك بو عزوز من عيوني غالي والطلب رخيص تقعد في مكتبك هو هو هو هو برييييييك طن طن طن رساله الى الزميل ماتقدر دش وتقول يا سلااام من عيوني اساعدك ودش زميله لك اووف اووف انت سئ عندك غلط بالمعامله هاذي وغلط بالمشروع هذا وغلط هني وغلط هني وغلط هني .. انت فاشل انت ماتعرف انا أعلمك .. انا اقولك …. سوى جذي ولا تسوي جذي . طبعا انت معاك شهاده من اكبر جامعات كندا .. واهي معاها معهد انت خبرتك عشر سنين واهي خبرتها ثلاث سنين لا وتنتقد بطريقه وااااوووو طن طن طن طن رساله للأخت الزميله (( وماتقدرين تقولين هلا اخوي شلونك (مع ابتسامه جميله ) اشتقنالك .. مشالله مشروعك السابق كان روعه واحنا بانتظار مشروعاتك اليديده ان شاء الله تتحفنا اكثر … بس عندي جم ملحوظه على هالمشروع وعلى هم هالمعامله يعني في خطأ هني وفي هم خطأ هني .. وهني كان لازم تحط هاذي مكان هاذي .. واسمح لنا طبعا انت لك باع كبير بهالمجال بس هذا رايي اتمنى تقبله )) ياا سلااام عليج اختي فعلا انا غلط وانتي صح شكرااا شكرااا شكراا على هالتوضيح ومنكم نستفيد ان الاتيكيت بالتعامل والتصرف والعقل موضوع يطوول ويطوول ويطووول ولكن احببت ان اسلط الضوء على بعض النقاط وانتمنى ان يكون التعامل في الكويت … بأتيكيت (: مروض الكلمة 31_5_2019 نبي اتيكيت ( اسمحولي اذا كانت هناك اغلاط مطبعيه بس مريض شوي تعبان والكيبورد خربان وسهران واطبع بسرعه وراح اصلح الاغلاط متى ما شفتها ان شاء الله ) ( واتمنى عند ماخطبتي لحد يقول المهندس .. او الكاتب الكبير . ترى توني شباب عمري 27. او الاستاذ او شاعر او مروض الكلمه .. او العرااب … طلب من خلال هالموضوع ابي الكل يناديني قحطه ( معني ما اشبهه ههههه ) )) |
ارجو المعذرة من عدم الرد على المواضيع بشكل عام لضيق الوقت ولكننا متابعين
هذا العضو غير متوفر حاليا
الى اللقاء
(: