|
السلام عليكم ورحمة الله وبركاته
اول شيء مبروك التخرج للجميع والله يوفقكم وتدشون المكان اللي تبونه والله يعينكم على تسجيل الجامعة والقدرات وشلون ممكن تهدم كل اللي سويته بالثانوية وممكن تهدم الحلم اللي بنيته وانت صغير وممكن تخليك تكتشف شي انت تحبه وانت ما تدري مثل ما حصل معاي بقولكم قصتي انا خريجة النظام الموحد تخرجت وجبت 97 وفرحت فرحة لا توصف الحمد لله افتكيت من الثانوية وبدش الجامعة وبالكلية اللي ابيها >> على اساس الجامعة جامعة اهلي وكان امتحان القدرات بعد ما طلعت النتايج ما قدمت زين بهالامتحان والأسباب عديدة للأسف فرحتي بنسبتي ما دامت 5 أيام وبعدها بدت معاناتي بالتسجيل الصدمة الاولى انه المعدل المكافئ (( اللي ما تشرفت وتعرفت عليه إلا عند الموظة اللي بصالة mtc بالشويخ)) ما يسمح أدش الطب حلم حياتي صكت فيني الدنيا وبجيت وتعبت نفسيتي وما كنت حاطة بالي إلا الطب بس ما الله كتب وغيرت رغباتي 3 مرات وبعدها اقبلوني هندسة الحمد لله وخلصت سنة اولى بمعدل مرتفع والحين لو يقولولي شنو ما راح افارقها وادعولي اتخصص بالتخصص اللي أبيه >> للحين ما أدري شنو ابي وتذكروا ان الخيرة في ما اختاره الله والله يوفق الجميع |
>> مثلي
