عشرة أخطاء يقع فيه طلبة الدور الثاني في مادة الرياضيات

2) يعتقدون أن امتحان الرياضيات ما في أمل بالنجاح لأنه يا صح يا خطأ وهذا الاعتقاد خطأ لأنه كل الأسئلة المقالية الحل فيها من اكثر من خطوة يعني يقدر الطالب يجمع درجات و حتى لو اخطأ في خطوة ينقص جزء من الدرجة و ليس كلها

3) يعتقدون بأن الدرجة الموجودة في الشهادة في نهاية العام تبين لهم كم باقي على النجاح مثلا إذا أخذ 40 و صار راسب يعني ناقص عليه 10 درجات و ينجح وهذا الاعتقاد خطأ و الصحيح أنه الدرجة تنحسب من مجموع الأعمال و ليس من نهاية العام يعني لازم يرجع لآخر شهادة أخذها اللي تكون بالعرض و يحسب منها مجموع الأعمال ويقدر كم باقي على النجاح

4) يدرس مذكرات شاملة من معاهد ومدارس و من كل مكان في الدنيا والأحسن أنه يأخذ مذكرات و مسائل من مدرسته اللي درس فيها و من المدرسين اللي راح يكتبون الامتحان له و إذا ما حصل يرجع يدرس المسائل اللي موجوده في دفتره الرياضيات وإذا ما حصل يرجع للكتابين وراح يلقى نفسه حاط علامات على المسائل المطلوبه ويعيد حلها

5) يتركون اسئلة بدون حل في الامتحان لأنهم حاسبين الدرجة اللي ناقصة علشان ينجحون والمفروض انهم يحلون كل الأسئلة لأنه ما يضمن أنه حلهم كلهم صح و علشان يجمع درجات

6) يحلون الاسئلة المقالية في خطوة واحدة وهذا ما عمره يصير لأنه ما في سؤال مقالي الحل فيه بخطوة واحدة على العكس مفروض يحل قد ما يقدر و يكتب كل اللي يعرفه و اللي مايعرفه يمكن يجمع درجة أكثر

7) يظلل دائرتين في السؤال الموضوعي و المفروض انه يظلل دائرة واحدة بس في كل سؤال والي يظلل دائرتين يأخذ صفر

8) يحلون بسرعة ويطلعون من الامتحان بسرعة وهذا غلط كبير لأنه مفروض يقرؤن الأسئلة عدل و المفروض يراجعون عدل قبل لا يسلمون الورقة

9) ينسون أن المدرس زعلان علشانهم و زعلان منهم لأنهم راسبين في المادة ويوقفون على باب القسم و يطلبون من المدرس انه يساعدهم و المفروض أنهم يدرسون احسن و يراجعون و يطلبون النجاح من الله مو من غيره

10) يعتقدون أنهم راح ينجحون بدون دراسة لأنهم كل سنه ينجحون في الدور الثاني على الحفة بدون دراسة و المفروض انهم يشيلون هالفكرة من راسهم لأن مو كل مرة تسلم الجرة