السلام عليكم ورحمه الله وبركاته :
وصلني اكثر من مره برودكاست من الواتساب والفيس بوك عن ان طلبه الثانويه راح يعتصمون 6 اكتوبر وذكروا الاسباب
البرودكاست :
"
البي سي موجه لوزير التربية الذي خيب آمالنا وصدمنا بقراراته الفاشلة ..
سلام عليكم ..
اول شي :
بخصوص السالفة المنتشرة ان يبون يقلصون نسب النجاح عشان الضغط اللي ع الجامعة .. مو الكل يبي يدش جامعتكم ولا احنا ميتين على جامعتكم .. بدال الجامعة الوحده 100 جامعة غيرها .. بس ما اتيون تبون تخربون مستقبلنا كله عشان جامعتكم .. من زينها عاد واغلب الدكاترة رافعين خشمهم مادري على شنو ويسقطون وينجحون على كيفهم !!!!
واذا هامتكم الجامعة والضغط اللي عليها ترفعون نسب القبول بالجامعة مو تحاولون انكم تنزلون نسب الثانوية !!
وثاني شي على سالفة درجات الشفوي شايلينلهم مادري مقللينهم وبيعتمدون ع الامتحان .. يعني اي احد يزفت بالامتحان على طول سقوط ! ماكو شي يرفعنا ..
وطبعاًً هذا اللي انتوا تبونه ان عدد السقوط يزيد عشان تستانسون !
وثالث شي :
امتحان الانجليزي صعبوه وغيروا طريقة الاسئلة وزادولنا القصص اللي ما منها فايدة .. سكتنا ومشيناها بس العربي تحطون لنا املاء وخط .. شنو يهال ؟!!
احنا التعبير والتلخيص والقواعد مع بعض يالله نخلص حتى الوقت بالغصب يكفي تزيدون علينا جذي ليش وبأشياء مالها معنى !!!
ان شاء الله مو ثانوية واخر سنة وحالتي حالة امتحن املاء وخط !
بتخرج من ثانوية انا ولا ابتدائي ؟
وعلى حظنا احنا الخريجيين تصعبون لنا المواد وتغيرون طريقة الامتحانات ..
بتغيرون شي تغيرونه بالتدريج مو على 12 مرة وحده عشان اتنح بالامتحان ..
ترى والله هذي اخر سنة نبي نسبة وهالنسبة بتغير مستقبلنا كللللله وطموحاتنا ..
ظلم والله ظلم حرام عليكم !
ما تحسون بس تفكرون بنفسكم !
تقول يالوزير تبي تخفف ع الطلبة وتسوي اللي يريحهم .. واااااااضح انك قاع تريح وتخفف علينا !
أهم أهم آهم أهم شي
ترااا مووو عشان ضغط الجااامعه..من الوزااره نفسهااا بواقين فلوووووس تدرون ليش إذا نسبة الجااامعه أكثروو فيهاا يعني لما يتخرجون معاشهم قوي والله يعافيهم يبون ينصبون ويأخذون فلوووس فحطوو حجة ضغط الجامعه .. ومايبون الطلبة يدشون وأيد الجامعه جذي يخسرون وأيد (شالنصب والاحتيال ماتخافون على عيالكم من فلوس حرام)
دزووه بي سي بالواتس اب والبي بي ام لين يوصل حق وزارة التربية
ولا تنسووون الاعتصام تاريخ 6 اكتوبر جدام وزارة التربية الكل ايي ..
ما رااح نسسكت !!!!
"
هذا هو البرودكاست
شكلهم شافو الويل من التغيرات
تعليقي على الاسباب :
1- قصص الانكليزي مالها داعي شالو التوصيل وحطو قصص كل سنه المدرسين والطلبه ما يقرونها ولا يعرفون عن شنو لان الوقت ما يمدي
2- الاملاء والخط الصراحه لا تعليق
3- تخفيض الشفوي .. قولو نسقطكم عشان مافي مكان احسن من هالسالفه
ما يبون جامعتكم يبون يدرسون برا
اترك لكم التعليق