حــــلـــى الأقـــمــاااع

حــــلـــى الأقـــمــاااع

بسم الله الرحمن الرحيم

طريقة العجينه

1 بسكويت دايجستف مطحون

1 بسكوت اولكر الصغير مطحون

2 نستله صغير

1 قشطه اي نوع

2 ملعقة كبيره سكر مطحون

3 ملاعق كبيره كاكاو بودره

تعجن جيدا حتى تكون عندك بهالشكل

ملاحظه : يابنات انخلوا البسكوت بعد ماتطحنوه انا هنا مانخلته كنت مستعجله بس خرب علي الشكل بعدين

مقادير الحشوه

بالــــــــخــــــــــلاااط

1 قشطه

1 نستله صغير

1 ظرف دريم ويب

2 ظرف كريم كراميل

نص كيك امريكانا الشوكولاته ( باوند كيك ) >>> انا حطيت نصه طلعت سايله انتم حطوه كله

ثلاث ارباع حليب الصافي او السعوديه الصغير

5 جالكسي ساده مذوب

تضعين الخليط بكيس لحم لسهولة الاستخدام بس انا ماحطيته ومشي الحال

نبدأ بالخطوات

تجيبي الكاسات الورقيه اللي على شكل اقماع تلاقينها مع الورقيات والبلاستيكات باي محل

وتقصينها بهالشكل عشان ماتتعبك بالشغل

بعد ماتقصين لك كميه تقريبا 30 حبه

لبسي الكاسات بالعجينه اللي سويتيها قبل وخليها مجوفه وسطها فاضي بهالشكل

طبعا وانتي تشتغلين خلي جنبك بيالات شاي عشان تصفين الحلى جواته وهذي النقطه مهمه جدا يابنات لازم البيالات

صبي مقدار ملعقه صغيره من الخليط داخل القمع بهالشكل

بعدين كسري كتكات صغير وحطيه فوق الخليط

للاسف انا ماعندي كتكات كسرت بسكوت الابيلا وحطيته وبرضو تقدرين تستخدمين اوريو مكسر او اي كاكاو بديل

هذي صورة البسكوت

وهنا حطيته بس ماتملينه شوي بس

بعدين ملي القمع من الخليط مره ثانيه بحيث يكون عندك بهالشكل

وجيبي جزء من العجينه وغطيه بس انتبهي لاتضغطين من النص قفلي من الاطراف بس

هيك

وتقدرين ايضا تغطينها بالاوريو بس فلليها بالخليط عشان يلصق الاوريو

الحين سويت الكميه كلها وصفيتها ببيالات الشاي وحطيتها بعلبه بلاستيك ودخلتها الفريز لمدة خمس ساعات

لحد ماجمد واعيد واكرر لازم البيالات عشان تتثبت

طلعتها من الفريز وفكيت الورق بهالشكل فكيه من فوق عشان ماينكسر معك

وهذي حقت الاوريو

بالاخير حطيها بورق بليسيه وصبي فوقها هيرشي بهالشكل

جربوها وبالعافية