همومـــــمعلمـــــمحلي (4) { 7ونص}

صبحكم الله بالخير ياغاليين…شلونكم؟؟ شلون مدارسكم؟؟
مالاعت جبودكم للحين؟؟

قربت ياجماعه يالله هانت … وراح نبدا العطله الصيفيه… ونسافر ونستانس..!

لحظه… كأني قدمت لفصول التقوية مالت جمعيه المعلمين؟؟؟
وليييييييييييييه .. شلون نسافر؟؟

هذا ما جنيته على نفسي…

شلون نومتكم؟؟

تنامون عدل…. بالذمه بالذمه…. تشبعووووون نووووووم؟؟

عن نفسي… واسألوا العصفورة متى انام… وهي تجاوبكم؟؟

تجيني ايام انام 4 الفجر؟؟.. ومرة حطمت الرقم القياسي نمت 5 ونص….

كله بهدف اني ارتاح شوي عشان اروح الدوام والحق على التوقيع 7ونص!!!!!

حشا بلابل؟؟؟

همومي اليوم خاصه بالتوقيت اللي انكتب علينا انه نوقع فيه والا راح تسجل تأخير…!
وكأن خزانات هارون الرشيد وثروته راح تضيع اذا تأخرنا 5 دقايق…!!
ولا تشوفون نظرة المدير المساعد اذا تأخرت…..
ها شعندك مدوام؟؟؟؟

ياجماعه . . جم واحد فينا داوم متأخر اليووووووووم؟؟؟
عد وخربط!!
السؤال المهم… صار شي؟؟
انقلبت الدنيا؟؟
كلها 5 دقايق ….ياجماعه خلوها ربع ساعه … شصاااااااار؟

لا واذا عندك اشراف قسم… لازم تكون موجود من ال7؟؟؟
ياحبيبي….!
واول ما تصير 7 وربع….كأنك ذابح ولد رئيس القسم…

شفيها لو داومنا حالنا حال مدراء المدارس 8 ونص؟؟
وخصوصا اذا ما عندنا حصه اولى….
يعني المدرس شنو تبي منه غير انه يكون مرتاح عشان يعطيك انتاج قوي….

الحمدلله اني بمدرستي معزز مكرم… لو اجي الساعه 20 ما يقولون شي..
لأني محترم حالي ومحترم مواعيدي..واذا صار وتأخرت شوي.. يالله لك الحمد،، الكل متفهم !
وهالشي ينعكس على العمليه التربوية….

سالفه خارج النص

بالذمه..

الحين لا الواحد فينا قعد 6 ونص… تلاقونه مو شبعان نوم… وكل شوي يقول اي اشوه خل اكمل نومتي…
بس تعالوا وشوفوه اذا صارت 7 و25 دقيقه…
يطفر طفره تسوا عمره كله…
وكل خليه بجسمه تستنفر … والاوعيه الدمويه تنبض بقوة…والخلايا البيضا تجهز قواتها…
والاعذار تتوالي كالسيل في الراس..
والصلاة تصير بثانيتين
ولحق لا تلحق..
وسلملي على النوم!!!

أخيرا…

نبي دواماتنا 9 ونص مثل رمضان ايام قبل… شلووووون؟؟

ت ح ي ت ي

*الموضوع اهداء الى من شحعني باستمرار هذه السلسله، وهو عارف نفسه!