|
مراحب
من جم يوم سويت ديك رومي و حبيت احط لكم صور تطبيقي شريت ديك رومي ساديا اولا نظفت الديك الرومي و تبلته وضفت عليه .. زبده بحرارة الغرفة مخلوطه مع بابريكا و ملح تحت الجلد قدر الامكان حطيت بصل و بطاط و جزر مقطع كبار نسبيا و ملحتهم و رشيتهم اوريغانو فرشت الخضار و حطيت الديك فوقهم عشان لا يحترق من تحت او يلصق و لفيت الجناح تحته … شفت الشيف اسامه مره مسوي جذي صبيت على الديك الرومي خلطة زبدة سايحه و بابريكا و عسل و دهنتهم بالخلطة عدل لان حسب ما عرفت ان هذا اهو السر بالتحمير حطيته بالصينية و غطيته بالقصدير عدل خليته بالفرن من الساعه 12 الى 3 ونص .. الى ان نط المؤشر اللي يدل على النضج ملاحظه : عقب ساعتين من ادخاله للفرن … شلت القصدير و سقيته كم مره بالمرقه اللي طلعت بالصينية و خليته 10 دقايق زياده .. بهالوقت اهو تحمر من حرارة الفرن .. لاني شابته من تحت بس .. بس باخر دقيقه شبيته من فوق لاني بغيت اللون يكون اغمج شوي حطيته بصحن التقديم و رشيته بقدونس و جم شريحة ليمون و تمت المهمة بنجاح |
