| :
في ادعيه كلا ادعيهم و شفت فعلا الله استجابهم وغيروا بحياتي
اولهم
( اللهم اعني على شكرك وذكرك وحسن عبادتك )
كنت بنت عاديه مو متحجبه ولا ملتزمه بس اصلي وكنت اقول هالدعاء بعد الصلاة 3 مرات وفعلا لقيت انه الله اعاني على شكره وذكره وحسن عبادته
( اللهم اجعلني من الذاكرين الله كثيرا والذاكرات )
( اللهم اجعلني من الذاكرين الشاكرين )
وفعلا من قمت ادعي بهالدعائين والله لقيت نفسي وايد اذكر الله واشكره على نعمه واحس بكل نعمه علي حتى لو الصغيره
( اللهم استعملني في طاعتك )
(اللهم صرف قلبي على طاعتك )
والله انه هالدعائين عجيبين يخلي عندك طاقه لطاعه يعينك ويسرلك طاعته ويسخرك بخدمة دينه
(اللهم ثبتني على دينك )
هذا الدعاء يخليك ماتفتر وتخق والحمدالله ربي ليلحين مثبتني
(اللهم طهر قلبي )
هالدعاء حلو يخلي القلب نظيف وابيض
( اللهم اني اسئلك حسن الخاتمه )
لازم تقولونه عشان تموتون موته حلوه على طاعه ان شاء الله
( اللهم ارني الحق حقا وارزقني اتباعه وارني الباطل باطل وارزقني اجتنابه )
وااايد مهم كي لا نقع بالبدع والضلال
(اللهم قرب ايلي خير خلقك وابعد عني شر خلقك )
كلا اقوله والحمدالله الله لاحظت الله مقربلي خير الناس وباعد عني شر الناس دوم ان شاء الله
( اللهم لا تجعل في قلبي احد سوااااااك )
هذا الدعاء سالفته سالفه
مره يي ابلي اقول هالدعاء محد علمنياه ولا سامعته مكان بروحه يي ابلي من الله وكان قصدي انه بسواك مو انه ما احب احد الا الله لا يعني احب الله اول بعدين اي شي ثاني احبه لله وظليت فتره اقوله بعدين يالي الشيطان قام يشككني بدعاء اني انا موسامعته مكان مالفته فيمكن حرام اقول جذي او غلط الاسلوب قلت يمكن مايصير نالف على كيفنا ادعيه والله العظيم ربي بيبين لي اني مو غلط يوم من الايام رحت درس ولا اسمع الداعيه تقول دايما رددوا اللهم لاتجعل في قلبي احد سواك والله يوم وفسرته انه معناته انحب الله اول بعدين كلشي نحببه لله والله العظيم انصدمت نفس دعائي ونفس تفسيري معن والله العظيم موسامعته من احد
اكثروووا من ترديدهم والله مهمين
بعد يليت تسون برنت حق هالصفحه وكليوم تقرونها عشان ماتنسون
والحمدالله على نعمة الهدايه
كاتبته مو ناقلته |
:::
